Токтар Серик - Бир кош кетип барады

Бір көш кетіп барады, көсемі көп
Тұлпары аз бұл көштің, есегі көп
Қанағатсыз, тойымсыз, пәс пенделер
Аларың көп қайтейін, есебің жоқ
Бір көш кетіп барады, батыры көп
Балтасы бар батырдың, ақылы жоқ
Мырзасынып біреулері мырс-мырс күліп
Мадақ айтқан қасында ақыны көп

Бір көш кетіп барады, данасы жоқ
Ілескен жұрт артында панасы жоқ
Бір бай кетіп барады, кердең-кердең
Қатыны көп қасында баласы жоқ
Бір көш кетіп барады, жиғаны көп
Жұртқа тастап қалғанын симады деп
Ата-анасын зарлатып, еңіретіп
Ұрпақ кетіп барады иманы жоқ

Бір көш кетіп барады, түйесі көп
Мына көштің белгісіз иесі жоқ
Бір сөз кетіп барады, желмен ұшып
Киесі жоқ тыңдайтын, жүйесі жоқ
Бір көш кетіп барады, күймесі жоқ
Омырауы ашық қыздардың, түймесі жоқ
Сақалсыз шал, кемпірлер кимешексіз
Оймағы жоқ қолында, инесі жоқ 1